Rostujávri lea duottarorohat Ruoŧa bealde, sullii golbma miilla Gilbbesjávrris oarjjás. Rostujávrri visožat leat Rostueanu gierragis, duottarguovllus mii gohčoduvvo Rostun. Uhca-Gálla, Kalle Mannela lávii nuorran bivdit Rostojávrris. Son jođii doppe iežas bearraša fárus. Doaimmaheaddji: Niilo Aikio

Geaidnovuohppi lea Geagganeanus Gilbbesjávrris lulás. Geaidnovuohpi dálut leat Ruoŧa bealde. Uhca-Gálla, Kalle Mannela lea orron doppe mánnán ja nuorrán ja máhttá muitalit dán gili birra. Doaimmaheaddji: Niilo Aikio

Bovssujávrri (Pousujärvi) dálut leat Geagganeanu gáttis lahka Gilbbesjávrri. Biehtára-Juhán, Juhani Labba muitala, mo sii gárte fárret Bovssujávrái go eatnamat gáržo sin orohagas. Doaimmaheaddji: Niilo Aikio

Bealdovuopmi lea Heahtá ja Njunnása gaskkas ja doppe ássá Káren Ánne Stoor. Son muitala mo vuos ásaiduvai Bealdovuopmái, geat doppe leat ássan ja makkár birgenláhki olbmuin leamaš. Doaimmaheaddji: Niilo Aikio

Otná gilli lea Gulddán (suomagillii Kultima) Eanodaga suohkanis. Gulddán gilli lea Gársasavvona ja Heahtá gaskkas, Guhttás gilis sullii miilla geahčen nuorttasdavás. Keto-Jonasa nieida Inkeri Siilasjoki muitala Gulddán gili birra. Doaimmaheaddji: Niilo Aikio

Oskal gilli lea Guovdageainnu suohkanis, Heahtá geainnu bálddas. Oskal lea Geađgeluobbala duollostašuvnna ja Guovdageainnu márkkanbáikki gaskkamuttus. Dán giláža birra muitala Issát-Ristiinná, Kristina Näkkäläjärvi. Doaimmaheaddji: Niilo Aikio.

Bálojávri lea Guovdageainnu aja Heahtá gaskkas lahka Geađgeluobbala rádjastašuvnna Suoma bealde. Gili birra muitala Inger Palojärvi. Doaimmaheaddji: Niilo Aikio

Dál oahpásmuvvat Váljoga gillái. Aslak Krokmo muitala makkár gilli Váljohka lea ja geat doppe leat ássan. Váljohkahan lea sulli čieža miilla Ohcejotnjálmmis Kárášjoga guvlui. Doaimmaheaddji: Niilo Aikio

Leavvajoga dálut leat Badje-Deanus Rástegáissáid vuolde. Ohcejotnjálmmis go vuoddjá Norgga beale Deatnoleagi bajás Kárášjoga guvlui de mátki Leavvajohkii lea sullii golbma miilla. Mas juo vuos Leavvajohka lea ožžon namas, dan birra muitala Thoralf Henriksen. Doaimmaheaddji: Niilo Aikio

Ivguvuonbahta (dárogillii Skibotn) lea Romssa fylkkas lahka Gilbbesjávrri. Dán gili birra muitaleaba Ingá Sire Koht ja Viktor Koht. Doaimmaheaddji: Niilo Aikio

Ráitejávri dahje Ávžžasjávri Eanodaga suohkais lea duođalaš meahccegilli. Gili ássama ja historjjá birra muitala Ingá Sire Koht. Doaimmaheaddji: Niilo Aikio

Gilbbesjávri lea giehtaruohttasis, Suoma čorpma siste. Gilbbesjávrri guovllus lea golmma riikka rádjačuolda, dahje rádjageađgi. Dán prográmmas Antti Kalttopää muittaša, geaid sogat leat orron Gilbbesjávrri guovllus ja mo áiggit leat rievdan dien guovllusge. Doaimmaheaddji: Niilo Aikio

Gárasavvon lea rádjagilli Geaggáneanu gáttis. Dás oahpásmuvvat Gárasavvonii Suoma bealde. Piera Tornensis muittaša Gárasavvona olbmuid ja ássama ja dan goas boazosámit ásaiduvve dán gillái. Doaimmaheaddji: Niilo Aikio

Otne Kalle Mannela muitala makkár čoahkkebáiki lea Gárasavvon Ruoŧa bealde. Doaimmaheaddji: Niilo Aikio.

Heahtá gilli lea Eanodagas Ovnnešjávrri davábealde gos Njunnása, Gárasavvona ja Guovdageainnu geainnut gávnnadit. Heahttá beaggá erenoamažit Márjjabeaivve, go dalle dohko čoahkkana Sámi álbmot oktašas márkaniidda. Heahtá birra muitala Nils Henrik Valkeapää. Doaimmaheaddji: Niilo Aikio

Eanodaga Neakkel gili birra muitaleaba Biret Ánne Näkkäläjärvi ja su nieida Ingá Rávdná Sallinen. Biret Ánne lea náitosa bokte boahtán Guovdageainnus Eanodahkii. Doaimmaheaddji: Niilo Aikio

Vahku gilli lea Guovdageaidnu. Biret Ánne Näkkäläjärvi muitala Guovdageainno orohaga birra ja dan son dahká iežas nuorravuođa muittuid bokte. Dán prográmmas gullo maid Biret Ánne nieida Ingá Rávdná Sallinen. Doaimmaheaddji: Niilo Aikio

Njunnás gilli lea njealje miilla geahčen Heahtás, Eanodaga suohkana nuortaoasis. Juvvá-Ingá, Inga Näkkäläjärvi muittaša eallima Njunnása gilis. Doaimmaheadji: Niilo Aikio

Gilit sáttaráiddus joavdat dál Lismmá gillái. Lismá lea giláš Anár gieldda oarjeoasis, Leammi álbmotmeahci siste. Elle Risten Näkkäläjärvi muitala gili birra. Doaimmaheaddji: Niilo Aikio

Roavesavu lea boares ássanbáiki Badje-Deanus dalán Anárjoga ja Kárášjoga njálmmi vulobealde. Gili birra muitaleaba Biennaš-Jon Máret, Maarit Kitti ja su nieida Rauna Harlin. Álgui vuos Máret muitala das mo áhččis Biennaš-Jovnna oahpahii fuolkegándda. Doaimmaheaddji: Niilo Aikio.

Liisa Korkeamäki ássá Suoločielggis, mii lea dovddus mátkkoštanguovddáš. Son lea bajásšaddan lagaš gilis Guhttoris ja dovdá dien guovllu. Doaimmaheaddji: Niilo Aikio

Lagabui golbma miilla Ohcejotnjálmmis Deanu bajás Norgga bealde badjánit oidnosii Rásttiidgáissát. Alimus aláš ollá badjel 1000 mehtera mearadási bajábeallái. Árbevirolaš máidnasa mielde juste doppe dat juovlastállu lengesta vuojánis. Lásse-Juhán Kirste, Báršši-Piera ja Jávrri-Juhán Niillás ságastallet.

Horbmá lea giláš Vuolle-Deanus lahka Deanonjálmmi Njuorggán ja Deanu šaldi gaskkas. Dálvesiivvuin lea johtolat rastá Deanu Buolbmát dáluid ja Horpmá dáluid gaskkas. Horpmá gili ja doppe ássan olbmuid birra muitala Káre-Jon Mártá, Martta Utsi. Doaimmaheaddji: Niilo Aikio

Kárášjohkalaš Aslak Johansen muitala makkár gilli Kárášjohka leamáš soađi áigge ja mo olmmošlohku lea dan rájes lassánan. Doaimmaheaddji: Niilo Aikio

Itnetvári dálut leat Fáškku gáttis Anár gielddas. Itnetvárri lea 15 km Anáris Áŋŋel guvlui ja doppe ássaba Kaisa ja Sulo Kitti. Soai muitaleaba iežaska ássanguovllu birra. Doaimmaheaaddji: Niilo Aikio

Anár gieldda oarjeoasis, lahka Gihttel gieldda rájá lea Riebanjohka (Repojoki) ja doppe moadde dálu. Heija-Ánne, Anni Äärelä muitala eallimis ja birgenlágis dán guovllus. Doaimmaheaddji: Nillo Aikio.

Dán vuoro oahpasmuvvat giliide ja guvlui mii leamaš čázevuolde máŋgalot jagi. Arvo Pokka joavkku ja ollu eará bearrašiid ruoktoguovlu bázii Porttipahta dahkujávrri vuollái Soađegili gieldda oarjedavvioasis. Arvo muitá bures nuorravuođa áiggiid Láidde gili Sáttonjárggas. Doaimmaheaddji: Niilo Aikio

Burnomohki glili lea Soađegili geilddas. Gili ovddeš ja dálá eallima birra muitala Sulo Sieppi. Doaimmaheaddji: Niilo Aikio

Rájijovsset lea gilaš ja rádjarasttildanbáiki Nuorta-Anáris Ruošša rájá alde. Ovddeš rádjavákta Ilmari Mattus muitala Rájijovssepa ja lagaš guovllu birra. Doaimmaheaddji: Niilo Aikio

Nellim lea gilli Anár gielddas, Anárjávrri nuorttabealde. Avvilis dohko lea 40 kilomehter gaska. Sulo Sammeli Sarre muitala ovddeš ja dálá ássamis Nellim guovlluin. Doaimmaheaddji: Niilo Aikio

Suoma Sámi máttimus gillin máinnašuvvo Vuohčču. Dás gili birra muitala Päivi Magga. Doaimmaheaddji: Niilo Aikio

Guldal makkár ássanguovlu lea Buolmatjávri Ohcejoga gielddas. Norgga ja Suoma rádjá johtá rastá jávrri. Ásllat-Juovssa Taisto, Taisto Länsman lea eallinagis ássan dán stuorra jávrri gáttis. Doaimmaheaddji: Niilo Aikio

Nillá-Niillas Hánssa Máret-Ánne, Maarit Anni Paadar muitala Solojávrri dáluin ja eallinvugiid birra. Doaimmaheaddji: Niilo Aikio

Áivvetjávri lea giláš Anár gielddas. Áivvetjávrái earrána geaidnu aiddo ovdalaš Leammi Njurgoluovtta. Das álget dálut mat leat Áivvetjávrri gáttis. Iežas ruovttubáikki birra muitala Marjaana Aikio. Doaimmaheaddji: Niilo Aikio

Anár márkan dahje girkosiida lea gieldda historjjálaš guovddáš. Gili birra muitala Guovža- Sámmola Máhtte, Matti Morottaja. Doaimmaheaddji: Niilo Aikio.

Leammi gilli lea Anára gielddás, oarjeoasis. Gili birra muitala Olavi Jomppanen. Doaimmaheaddji: Niilo Aikio.

Hillágura čoahkkebáiki lea Njuorggán Rája dáluid buohta nuppe bealde Deanu. Jovsset-Ingval, Ingvald Guttorm lea riegádan ja bajásšaddan Hilláguras ja dovdá giláža. Doaimmaheaddji: Niilo Aikio.

Gilli Várjjavuona bađas, gullá Unjárgga gildii. Gili historjjás ja márkaniin muitala Øystein Nilsen. Doaimmaheaddji: Niilo Aikio

Dán mearrasápmelaš gili birra muitala Nils Einar Mathisen. Doaimmaheaddji: Niilo Aikio

Gápmasa gilli lea Anár gieldda davvioasis. Guovža-Sámmol Máhtte, Matti Morottaja muitala gili birra. Doaimmaheaddji: Niilo Aikio

Fávli, dahje Vävli lea giláš Gápmasis sullii beannot miilla geahčen go vuoddjá Čeavetjávrri guvlui. Onni Aikio muitala iežas ruoktogili birra. Doaimmaheaddji: Niilo Aikio

Bárttet lea Anárjávrri davábealde. Okta gili ássiin lea Jouni Saijets. Son muitala Bárttet gili birra. Doaimmaheaddji: Niilo Aikio

Anár gieldda hálddahusguovddáš lea Avvil. Avvila gili historjjá birra muitala Jouko Mattila. Doaimmaheaddji: Niilo Aikio

Idjajávri lea meahccegiláš Davvi-Anáris. Dán áigái doppe leat astoáiggi viesut. Gádja-Jusse Veikko, Veikko Aikio muitala Idjajávrri guovllu eatnamiin, čáziin ja birgenlágiin. Doaimmaheaddji: Niilo Aikio

Inga Elli Högman muittaša Čeavetjávrri siidda ovddeš ássiid. Inga Elli gárttai viđajahkásažžan Njuorggámii biebmománnán, muhto go devddii 15 jagi de máhcai fas ruoktut Čeavetjávrái. Nuppi máilmmisoađi maŋŋáhan ásaiduvve Beahcán ja Suennjel nuortasápmelaččat Anárjávrri davágeahčái Čeavetjávrái. Nie guovlu ealáskii. Doaimmaheaddji: Niilo Aikio.

Dál gullat Njávdán gili ja guovllu birra. Njávdán Anár gielddas Norgga rájá alde lea okta dain guovlluin gosa nuortasápmelaččat fárrehuvvojedje soađi maŋŋá. Ja leahan Njávdánjoga gáttiin sámit doložis juo ássan. Njávdán guovllu birra muitala Tiina Sanila-Aikio. Doaimmaheaddji: Niilo Aikio.

Áitejogas Deanuleagis leat olbmot ássan juo guhká. Das muitala Olát-Ánde, Antti Tenoranta. Doaimmaheaddji: Niilo Aikio

Uhcabártnaš-Máhte Issát, Iisakki Mattus muitala Čoavččesjávrri guovllu ássamis. Doaimmaheaddji: Niilo Aikio

Vuopmeveadji lea giláš Anárjoga siste lahka Aŋŋela. Gilli lea Anár gielddas. Máhte-Jon Niillas, Niilo Vuomajoki muitala mánnávuođagilis birra. Doaimmaheaddji: Niilo Aikio.

Johannes Varsi muitala Sirpmá gili birra. Sirbmá lea Deanu leagis Veahčaka vulobealde. Doaimmaheaddji: Niilo Aikio

Gámasmohkki lea giláš Gámasjoga rittus, Gápmasa ja Gáregasnjárgga gaskkas. Ánne-Sire, Siiri Somby muitala Gámasmohki historjjás ja dálá áiggis. Doaimmaheaddji: Niilo Aikio

Aŋŋel gávdno go vuodjá Gáregasnjárggas Anárjoga bajás ja vuodjá sullii guhtta miilla. Anáris vuolggedettiin dohko beassá Rivdol bokte, mátki doppilge guhtta miilla. Evá-Elle, Elli Torikka ja su isit Eino Torikka muitaleaba. Doaimmaheaddji: Niilo Aikio

Guoldná lea giláš Anárjoga leagis, Ohcejoga gieldda bealde. Guolnná nuppi dálu ássit Elli ja Josef Guttorm muitaleaba. Doaimmaheaddji: Niilo Aikio.

Bárši Deatnogáttis leamaš ja lea ain máŋggalagan johtolatoktavuođaid bálddas. Gili eallima muittaša Báršši-Piera, Piera A. Guttorm. Doaimmaheaddji: Niilo Aikio.

Dálvađas lea Deanuleagis sullii beallemátkkis Ohcejotnjálmmi ja Gáregasnjárgga gaskkas. Gili birra muitala Armas Rasmus. Doaimmaheaddji: Niilo Aikio

Gáregasnjárgga gili birra muitala Biret-Ásllat, Aslak Pieski. Son lea eallenagiss ássan Boares Gáregasnjárggas. Doaimmaheaddji: Niilo Aikio

Ándde-Jon Piera, Piera Klemet Guttorm muitala vuđoláččat, geat Nuvvosa gilis Deanuleagis leat assán. Doaimmaheddji: Niilo Aikio

Gieldda guovddáš, mii maiddái girkosiidan gohčoduvvo. Muitaleaddjit: Luobbal-Sámmola Sámmol, Samuli Aikio ja Jágár-Hánno, Hannes Helander. Doaimmadeaddji: Niilo Aikio

Veahčat lea unna čoahkkebáikki Deatnogáttis lagabui beannot miilla Ohcejotnjálmmis Deanu vulos. Ovtta gaskka gilli orui jo goarráneamen, muhto dál Veahčat lea ođđasit fas ealáskan, illuđa Pekka Sammallahti. Doaimmaheaddji: Niilo Aikio

Ándir-Erkke Niillas, Nils Olav Eriksen muitala Buolbmát gilis, mii lea Njuorggáma ránnjágilli Norgga bealde. Doaimmaheaddji: Niilo Aikio

Hánssa-Jon Ovllá, Olav Hansen lea guhká ássan Fanasgiettis, mii lea Njuorggán buohta eanu davábealde, Doaimmaheaddji: Niilo Aikio.

Dát lea vuosttas "Vahku gilli" prográmma. Njuorggán gili historjjás ja dálá áiggis muitaleaba Sámmol-Reino, Reino Johansen ja Ánderea-Márgget, Margit Moen. Doaimmaheaddji: Jávrri-Juhán Niillas, Niilo Aikio.